 |
Questa pagina è stata trascritta, formattata e riletta. | |
| 502 | ATTO TERZO |
Pantalone. Via, andela a tor e no perde tempo, se volè trovar la vostra roba.
Brighella. Vago subito. E no la se toga suggizion, sala? Mia fìa xe avvezza a star al ben e al mal.
Pantalone. La starà come che la poderà. Se el letto sarà duretto, la gh’averà pazenzia.
Brighella. La farà conto d’esser per viazzo. No se pol aver sempre le trabacche de damasco. A Vienna la gh’aveva le coverte de recamo. E a Berlin l’è stada in t’un letto de ganzo d’oro. (parte
SCENA XVI.
Pantalone, Rosaura, Beatrice, poi Arlecchino, poi il Cameriere.
Pantalone. Oh che matto glorioso!
Beatrice. Anche nelle miserie conserva la sua albagia.
Pantalone. E vu no ridè de ste cosse? (a Rosaura
Rosaura. Le scioccherie non mi fanno ridere.
Pantalone. No vorria che ve tornasse la malinconia.
Rosaura. Non vi è pericolo.
Arlecchino. L’è qua el camerier della locanda, che vorria vegnir avanti.
Pantalone. Che el vegna.
Arlecchino. No la sa, sior patron?
Pantalone. Cossa?
Arlecchino. A Brighella gh’ho dà del ti, e no l’è andà in collera.
Pantalone. Cossa vustu dir per questo?
Arlecchino. Vôi dir, che quando cresse la fame, cala la superbia. (parte
Beatrice. Dovrebbe esser così; ma colui ha la testa ancora piena di grandezze.
Pantalone. Se nol trova la roba, ghe calerà tutto el fumo.
Cameriere. Signore, mi manda il signor conte Ottavio.
Pantalone. Oh bravo! Xe debotto tre ore. El xe pontual. Presto, zente, parecchiè luse, caffè, careghe. Aveu sentìo? (a Rosaura
