![]() |
Questa pagina è stata trascritta, formattata e riletta. | ![]() |
256 | ATTO SECONDO |
Arlecchino. El zovene dis che el la vol; sior Pantalon gn’ha dà parola; no ghe manca alter che una cossa da niente.
Brighella. Che vol dir?
Arlecchino. Che se contenta la putta.
Brighella. E ti ghe disi una cossa da niente? Ma senti, paesan, el negozi se farà, perchè so che la putta ghe vol ben.
Arlecchino. Com’ala mai fatt a innamorarse de quel mamalucco?
Brighella. Mi cred che el sia un maneggio de Corallina.
Arlecchino. Cossa gh’intrela Corallina?
Brighella. Non ti sa, che Corallina l’è quella che fa tutt per el sior Florindo? L’è venuda in casa de la me padrona col pretesto de vender un par de calze, e credo che l’abbia parlà de sto negozi tra el sior Florindo e la siora Rosaura.
Arlecchino. Tra el sior Florindo e la siora Rosaura? Ponto e virgola.
Brighella. Come? Gh’è qualcos’altro?
Arlecchino. Mi digh che ste nozze le s’ha da far col sior Lelio, e no col sior Florindo.
Brighella. Mo ti non ha dito col fiol del to patron?
Arlecchino. Ben: sior Leli non èl so fiol?
Brighella. L’è fiastro, e no l’è fiol.
Arlecchino. El patron lo chiama per fiol. L’è fiol de so muier. El sarà l’erede, l’è lu el patron, tutti lo chiama el fiol del sior Ottavi, e anca mi ghe digh so fiol.
Brighella. E con questo se sposerà la mia padrona?
Arlecchino. Sigura. Sior Pantalon gh’ha dà la parola.
Brighella. (Me par impossibile!) (da sè) Mi credeva che ti parlassi de sior Florindo; adesso ho capido. Ho gusto de saver; ghe l’avviserò a Corallina e a sior Florindo.
Arlecchino. No, no, paesan. Me pareva... Ma no sarà vero.
Brighella. Eh furbo, te cognosso; ti vorressi voltarla, ma no gh’è più tempo.
Arlecchino. No, caro paesan, lassa che i se destriga tra de lori: no se n’impazzemo. Fame sto servizio.
Brighella. Mo sat che, se no ghel disesse, me vegniria tant de gosso.