 |
Questa pagina è stata trascritta, formattata e riletta. | |
| LE DONNE GELOSE | 165 |
Giulia. (Cossa voleu che ve diga? Mia cugnada xe vecchia matta, senza giudizio).
Chiaretta. (Baseggio no lo torria più se el me indorasse). (da sè)
SCENA XXIX.
Arlecchino e detti.
Lugrezia. (Varè che fegure da vegnir a Redutto!) (burlando le tre maschere)
Arlecchino. (Siora mascara). (malinconico)
Lugrezia. (Cossa gh’è?)
Arlecchino. (I ho persi tutti).
Lugrezia. (A vostro danno. Dovevi vegnir qua).
Arlecchino. (Me dala quei tre, che tornerò a refarme?)
Lugrezia. (Eh no no, vecchio, sè in desdittaa! Zogherè un’altra volta).
Arlecchino. (Corpo del diavolo!)
Lugrezia. (Via, senteve qua, e tasè).
Arlecchino. (Ah pazienza!) (siede, e dorme)
Lugrezia. (Oh, i mii no i se perde più!)
Orsetta. (Oe, me par de cognosserle quelle maschere). (a Baseggio)
Baseggio. (Chi xele?) (si volta a Chiaretta)
Chiaretta. (Lo minaccia.)
Baseggio. A mi?
Orsetta. (Oe! sentì: saveu chi la xe? Chiaretta co mia sior’àmia).
Baseggio. (Eh via!)
Orsetta. (Le cognosso).
Baseggio. (Andemo via?)
Orsetta. (Sì ben. Oe, mascara, desmissieve!) (a sua madre)
Baseggio. (Ma aspettè; per non dar in te l’occhio, mi spazzizerò, e vu andarè via, e po mi ve vegnirò driob). (s’alza. Fabia parla piano alla figlia1)
- ↑ Bett.: in recchia a so fia.
