Pagina:Goldoni - Opere complete, Venezia 1910, VIII.djvu/166

156

ATTO SECONDO

Lugrezia. Olà, olà, patrona, no ghe ne vien tante, sala? Son una donna da ben, e son cognossua; e se no tegnirè¹ la lengua drento dei denti, ve dirò de chi v’ha nanìo^a.

Tonina. Calère, calère^b.

Lugrezia. Cossa xe ste calère? Oh ca de diana de dia^c! Me strapazzè, siora, e pretenderessi anca che tasesse? Con chi credeu de aver da far? Se se usa trattar con delle sempie^d, con mi l’ave fallada, sorella cara.

Tonina. Cara siora, faressi meggio a andar a far i fatti vostri.

Lugrezia. Sì, sì, vago via. No sè degna de praticar de le donne de la mia sorte.

Tonina. Vardè che gran lustrissima! Pratico delle persone, che no se degna de zolarghe^e le scarpe.

Lugrezia. Oh, oh, oh, che suggettone che la pratica! quella pettegola de siora Giulia.

SCENA XX.

Siora Giulia dalla camera, e dette.

Giulia. Come parleu, siora? A mi pettegola?

Lugrezia. Siora sì, l’ho dito e ve lo mantegno. Sè andada digando che vostro mario vien da mi, che el fa, che el briga; credeu che no lo sappia?

Giulia. Oe, lo negheressi fursi, che mio mario no vegna in casa vostra?

Lugrezia. Chi ve nega sta cossa? Varè^f che suggizion che gh’ho a dirve de sì.

Giulia. Sè una bella petulante, siora.

Lugrezia. Sè una bella temeraria, patrona.

Giulia. A mi!

1. Maniera che comprende ogni sorte di villania.
2. Persone che stanno sopra la strada, plebaccia.
3. Giuramento, come poter del mondo, poter del diavolo ecc.
4. Scimunite, stolide.
5. Allacciarle.
6. Guardate.

1. Bett. e Pap.: tegnierè.