Pagina:Goldoni - Opere complete, Venezia 1910, VIII.djvu/158

148

ATTO SECONDO

Giulia. (Siora Tonina ha sempre abuo i so protettori). (da sè)

Tonina. Cossa disela, siora Giulia?

Giulia. Siora sì, la farà ben.

Tonina. Vorla che andemo?

Giulia. Quel che la comanda.

Tonina. Se no la vol, la xe patrona. Stago qua con ela.

Giulia. Eh, siora no, andemo! (Poverazza, la compatisso! Ghe preme de veder co vien fora so mario). (da sè)

Tonina. (Gramazza, la gh’ha un bel mario!) (da sè, e partono)

SCENA XI.

Strada come prima, con case¹.

Siora Chiaretta alla finestra.

No passa un’anema per de qua. Tutta la zente xe in Piazza². Almanco che passasse sior Baseggio. Chi sa che nol sia co quella petazza de Orsetta! Ah povera Chiaretta desfortunada! xe meggio che torna fuora^a. A Venezia no gh’ho fortuna. Ste putte che xe use a Venezia, le xe furbe co fa el diavolo. Mi, povera gramazza, no so troppo far; qua no me mariderò mai. Pazienza.

SCENA XII.

Siora Giulia, siora Tonina sulla porta, e detta.

Tonina. Oe! i averze la porta de l’amiga.

Giulia. Vardemo, vardemo.

Tonina. Tiremose in drento (si ritirano)

SCENA XIII.

Sior Boldo di casa di Lugrezia, serra la porta, e parte.

Giulia. Cossa? mio mario? (sulla porta)

Tonina. Zitto, siora Giulia. (tenendola)

1. In campagna, fuori di città.

1. Bett. aggiunge: e balconi ecc.
2. Intendesi la piazza di S. Marco.