Pagina:Goldoni - Opere complete, Venezia 1910, VIII.djvu/151

LE DONNE GELOSE

141

Baseggio. Son qua, patrona bella, (al balcone di Lugrezia)

     Ghe venderò anca a ella.
     Basta che la comanda,
     Gh’ho un non so che da banda¹.
     Per chi xe de bon gusto
     Ghe venderò un bel busto,
     Che dove gh’è mancanza,
     Fa parer abbondanza².
     Ghe darò una carpetta³,
     Coi fianchi de stoppetta.
     La se confida in mi,
     Za tutte fa cussì.
     So quel che ghe bisogna,
     E no le se vergogna.
     Chi ha drappi vecchi,
     Chi ha cuori d’oro vecchi da vender.⁴

Orsetta. (Stimo che el ghe la canta a ela). (da sè)

Lugrezia. Mascara, gh’aveu confetti?

Baseggio. Se la comanda, la xe parona.

Orsetta. Séntela, siora mare? (a Fabia⁵)

Lugrezia. Voleu vegnir de suso? (a Baseggio)

Baseggio. Vegniria, ma xe tardi.

Orsetta. (Pulito!) (da sè)

Lugrezia. Aspettè, che calerò zoso el cestello.

Orsetta. (Malignazza! Tutti i omeni la i vol per ela), (da sè)

Lugrezia. Via, da bravo, feve onor. (cala il cestello)

Baseggio. La compatissa, sala, el povero strazziarol el fa quel che el pol. (mette dei confetti nel cesto)

Orsetta. (Suo⁶ da la rabbia). (sua madre la vuol menar via) Siora no, voggio star qua. (a Fabia)

1. Mancano questi due versi nell’ed. Zatta.
2. Anche questi due ultimi versi mancano nell’ed. Zatta. L’ed. Bett. spiega: Intende di mammelle.
3. Gonnella. [nota originale]¹ .
   1. Bett. spiega: Veste di donna attaccata alla cintola, che scende sino a terra.
4. C’è qui il punto interrogativo nell’ed. Pap.
5. Bett. ha invece: a so mare.
6. Sudo.