 |
Questa pagina è stata trascritta, formattata e riletta. | |
| 130 | ATTO PRIMO |
Lugrezia. Oh, me maraveggio! El xe patron; el me fa finezza.
Baseggio. Vorria pregarla d’un servizio.
Lugrezia. Anca do, se posso.
Baseggio. Ancuo vorave andar in mascara, e no vorave esser cognossù. Me xe sta dito che in casa soa ghe sta una revendigola, che gh’ha dei abiti da nolizar, e mi col so mezzo vorria qualcossa de sesto da travestirme.
Lugrezia. Oh caspita! Me despiase che donna Sgualda xe fora de casa. Se la vegnirà stasera...
Baseggio. Mo no, me premeria per ancuo.
Lugrezia. Cossa ghe bisognerave?
Baseggio. Tutto me comoda. Velada, codegugno, zamberlucco, tutto me serve.
Lugrezia. La gh’ha un codegugno e una camisiola che saria giusto a proposito.
Baseggio. Come mai se pol far? Dove la poderavio andar a trovar?
Lugrezia. L’aspetta, sior, che anderò a veder se per sorte la camera fusse averta. Chi sa? De le volte no la la serra.
Baseggio. Sì, cara ela, la vaga a veder.
Lugrezia. Vago subito. Oh putti, putti! el gran bon tempo, che gh’ave. (camminando)
Baseggio. E ela se lo gode.
Lugrezia. Eh, fio mio! co se xe vedoe, se gode poco. (parte)
SCENA X1.
Sior Baseggio solo.
Ancuo ho d’andar a parlar co siora Orsetta, e voggio andar in maschera. Quella so mare la xe la più bona donna de sto mondo. Sempre per casa la fa fazende, no la dà gnente de suggizion. Cossa dirà Chiaretta? Poverazza! Basta, mi adesso no dago zo la bacchettaa nè per l’una, nè per l’altra! Cob
- ↑ È unita nell’ed. Bett. alla scena precedente.
