 |
Questa pagina è stata trascritta, formattata e riletta. | |
| 145 |
Pantalone. Coss’èlo sto affar de premura? Voi saverlo anca mi.
Corallina. Perdonatemi, signore, della roba mia non sono obbligata render conto a nessuno.
Pantalone. E mi no ve vol dar gnente, se no so dove che li volè impiegar. Son vostro patron, vu se sola, no gh’avè parenti, no vôi che li dezzipè, no voi che ve li fe magnar da qualcun.
Corallina. Vi dirò, signore, mi è venuta occasione di maritarmi.
Brighella. Sior padron, el tempo passa.
Pantalone. Vago. Chi xelo el no vizzo?
Corallina. Arlecchino.
Pantalone. Ben, parlerò con Arlecchin, e fe conto d’averli avui.
Corallina. Signore, non faremo niente.
Pantalone. Mo per cossa?
Corallina. Non faremo niente, se non mi date il dieci per cento.
Pantalone. El diese per cento! Con chi credeu d’aver da far? Chi v’ha messo in testa ste bestialità?
Corallina. Ho trovato chi me lo dà.
Pantalone. Chi èlo sto desperà, che ve vol dar el diese per cento?
Corallina. Non posso dirlo, signore.
Brighella. Che lo dirò mi, sior padron. L’è el sior Pantaloncin, so degnissimo fio.
Pantalone. Mio fio?
Brighella. Sior sì, e za tempo la ghe n’ha dà altri cento e cinquanta al medesimo prezzo.
Pantalone. Oh poveretto mi!
Corallina. Come diavolo lo avete saputo? (a Brighella)
Pantalone. Tocco de desgraziada! Ti va a dar bezzi a mio fio? Anca ti per avarizia ti agiuti la barca a precipitario? Ma sentì, sta volta el mal casca sora de ti; i bezzi ti li ha persi, el te li ha magnai, matta, stramba, senza giudizio, to danno: maledetto interesse! El chiappa tutti, e mi poverazzo, mi me tocca sentir le stoccae, soffrir la vergogna. Ah fio desgrazià! Maledetto zogo! El zogo me l’ha ruvinà. Sto zogo i lo gh’ha
