Pagina:Goldoni - Opere complete, Venezia 1909, VI.djvu/480

468 ATTO SECONDO

SCENA X.

Strada.

Checchina, poi Toffolo.

Checca. Che la vegna quella sporca della sartora: vôi ben che la se desdiga. Adesso vedo come che la xe; la fava l’amor con Beppo, Beppo l’ha lassada, e ela, per refarse, l’ha inventà ste belle fiabe.

Toffolo. Oh, qua la xe, siora Checca? La sartora adessadesso vegnirà a casa.

Checca. Dove xela?

Toffolo. La xe qua in calle, adesso la vien. Che n’ha voleste a moverla. No la voleva vegnir.

Checca. Desgraziadaa! La sa la so conscienza.

Toffolo. Eccola qua.

Checca. Andè a casa, che adesso vegno.

Toffolo. (Cossa che me piase sta putta. Mi so tutto, e tant’e tanto la sposeria). (da sè, parte)

Checca. Me vien un caldo che no posso più; ma in strada vôi usar prudenza.

SCENA XI1.

Anzoletta e detta.

Anzoletta. Cara siora, compatime se no son vegnua avanti. Gh’ho tanto laorier2, che no me posso partir; e po vardè, m’ho ponto un deo, e no posso laorar.

Checca. Sarave meggio che v’avessi ponto la lengua.

Anzoletta. Oe, come parleu, siora?

Checca. Diseme, siora pettegola, aveu dito vu che mi no son fia de mio pare?

Anzoletta. Mi no digo busie. Sì ben, l’ho dito.

Checca. E come lo podeu dir?

  1. Scellerata.
  1. Sc. IX nell’ed. Bett.
  2. Lavoro: v. Boerio.