Pagina:Goldoni - Opere complete, Venezia 1909, VI.djvu/471


I PETTEGOLEZZI DELLE DONNE 459

ATTO SECONDO.

SCENA PRIMA.

Camera di Checca.

Checca e Toffolo.

Checca. Oe, Toffolo, dove seu?

Toffolo. Son qua, siora, cossa vorla?

Checca. Caro vu, feme un servizio; andè da Anzoletta sartora, e diseghe cossa che la fa, che no la me porta la mia vestina.

Toffolo. Siora sì, anderò. Me consolo, siora Checca, che la xe novizza.

Checca. Grazie, fio1, grazie.

Toffolo. Basta: gh’ha toccà sta fortuna a Beppo.

Checca. Poverazzo! El xe tanto un bon putto! El me vol tanto ben!

  1. Figlio: qui termine familiare affettuoso. V. Boerio.