 |
Questa pagina è stata trascritta, formattata e riletta. | |
| I PETTEGOLEZZI DELLE DONNE | 447 |
Cate. Vardè, fia; andè zo per calea, passè1 el ponte, vedere a man zancab una corte, la xe la terza porta a man dretta.
Anzoletta. Grazie tanto.
Cate. Cossa andeu a far da Ghecca?
Anzoletta. Che porto una vestina, che gh’ho fatto suso da niovo.
Cate. Lassè veder mo.
Anzoletta. Vardè co bella che la xe.
Cate. Oro? Oro, patrona? Povera sporca! Oro?
Anzoletta. Ve fè maraveggia?
Cate. No voleu che me fazza maraveggia? E quel matto de mio zerman lassa che la fazza?
Anzoletta. La xe so fia, el ghe vol ben.
Cate. Sì ben, so fia!
Anzoletta. Come! No la xe so fia!
Cate. Oe, me prometteu de taser?
Anzoletta. Oh, mi no parlo. Savè che putta che son.
Cate. Ghecca no xe fia de mio zerman Toni.
Anzoletta. Oh caspitac! De chi xela fia?
Cate. Sentì... ma zitto, vede.
Anzoletta. Oh, no ve dubitè.
Cate. La xe una mula.
Anzoletta. Oh, cossa che me contè!
Cate. Ve lo confido a vu, che so che se una putta prudente...
SCENA VIII2.
Facchino e dette.
Cate. Oe, quel zovene, me faressi un servizio coi mi bezzi?
Facchino. Ve lo farò anca senza bezzi.
Cate. Me porteressi sta cesta de drappi?
Facchino. Volentiera.
