 |
Questa pagina è stata trascritta, formattata e riletta. | |
| I PETTEGOLEZZI DELLE DONNE | 439 |
Cate. Oe Sgualda, tìrete in là, che no ti la insporchi.
Sgualda. Oh, che cara matta che ti xe. (s’allontanano un poco)
Beatrice. Noi siamo qui per far piacere a Checchina, e voi abbiate creanza.
Sgualda. Pàrlela co mi?
Beatrice. Sì, con voi.
Sgualda. Cate, la parla con mi, sastu?
Cate. No ti ghe sa responder?
Checca. Voleu taser?
Cate. Oe, vien el novizzo.
Checca. E ghe xe mio pare, e ghe xe sior compare.
SCENA II.
Pantalone, paron Toni e Beppo.
Toni. Checca, fia mia, aliegri. Nozze, nozze, aliegri.
Sgualda. Che belle nozze senza confetti!
Pantalone. Siora comare, me consolo con ela.
Checca. Grazie, sior compare.
Cate. Sior compare, quando se fale ste nozze?
Pantalone. Ancuo, stasera.
Cate. Semo molto sutti1.
Pantalone. Aspettè, che se bagnaremoa.
Toni. Via, sior novizzo, vegnì avanti. Gnanca no la vardè la novizza?
Beppo. Dove voleu che vaga? Ghe xe tante donne, che le me confonde.
Toni. Aveu paura de no trovar la novizza? No podè fallar. La xe la più zovene e la più bella.
Cate. Oh, la più zovene no.
Sgualda. Oh, gnanca la più bella.
Beppo. O zovene, o vecchia, o bella, o brutta, se ghe fusse un poco de liogo, me senterave arente2 de ela.
- ↑ Ristretti nel trattamento.
