 |
Questa pagina è stata trascritta, formattata e riletta. | |
| 117 |
Arl. Oh sior mistro de casa, vegnì a dar i ordeni in cusina, perchè mi gh’ho fame, e voria dirve una cossa.
Brigh. Che vol mo dir1?
Arl. Che se el mistro de casa, che è anda via, no guardava tanta per suttilo in Casina, e sì mi nol cognosseva gnanca, vu mo, che sì me paesan, sarì ancora più galantomo.
Brigh. Cossa s’intende mo sto esser più galantomo?
Ari. Lassar che el povera sottocogo magna qualche bocconcin del bon e del meggio, e se tegna sempre qualche poca de provvision da parte.
Brigh. Della roba2 del patron? No femo gnente. Fin ch’averò mi la sopraintendenza, e ch’averò l’impiego de mistro de casa, la roba del patron gh’ha da esser intatta e segura.
Ari. Mo i altri no fa miga cussì, e quel che è andà via, serrava un occhio in ste cosse.
Brigh. E per questo el gh’ha durà poco. Caro paesan, ti vedi pur la generosità del patron, e quanto ch’el benefica i so servitori. Mi de povero staffier son deventà mistro de casa in dodese anni de servitù, onde se ti sarà fedel, col tempo ti poi sperar d’avanzarte anca ti.
Arl. Mi l’è de più che lo servo.
Brigh. Matto! se no l’è un anno, che ti xe in casa.
Arl. L’è vero, ma gh’ho ben intenzion d’esserghe stà altri vinti anni avanti.
Brigh. Eh, che i paroni no paga l’intenzion, i paga i fatti.
Arl. Ma magari volesselo pagar i mi fatti, che vorave rancurarli tutti. (Questa puzza).
Brigh. Oh, mi perdo el tempo con ti, e gh’ho da far. No te digo altro, se no che colla fedeltà e col bon tratto se avanza più de quel che pretende de far qualche servitor, col procurarse dei utili che no ghe convien. (Queste sono cose che le ha dette il Conte Ottavio). (via)
Arl. Al veder, co sto me paesan ghe xe pochi incerti. Ma n’importa, farò quel ch’el me dise, che se lu a far cussì l’è deventà mistro de casa, poi esser che el patron, vedendome attento, me fazza mistro dei coppi. (via)
Ecco terminata la bella Scena, di cui non potevasi far a meno, forse per fare una finezza all’Arlecchino, il quale certamente averà campo di farsi onore. Se io l’avessi fatta, non avrei poi condotto, nella maniera come si legge, la Scena I dell’Atto Terzo; e convien dire che non abbia letto la mia, quegli che ha fatto questa.
L’averei lodato però molto più, se alla Scena I dell’Atto Primo, ove il Conte Ottavio legge un libro, e meritamente lo loda,
