 |
Questa pagina è stata trascritta, formattata e riletta. | |
| LE FEMMINE PUNTIGLIOSE | 143 |
per conservarse la grazia dell’amigo qualche volta la cede, la muggier, cognossendo aver dominio sul cuor del mario, la comanda, la vol, la pretende; e el pover’omo xe obbliga a accordarghe per forza quello che troppo facilmente el gh’ha accordà per amor.
Florindo. Sentite, signor Pantalone, è vero che amo teneramente mia moglie, come vi ho detto; ma se devo dirvi la verità, non è stato l’amore che ho per lei, che mi abbia unicamente indotto a venir a Palermo.
Pantalone. Xela vegnua per negozi? La podeva vegnir senza muggier1.
Florindo. Veramente vi sono venuto più per impegno che per volontà. Quasi tutti i mercanti del nostro rango, prendendo una moglie ricca e di buon parentado, come la mia, sono in una specie di obbligo di far un viaggio con essa, di condurla in qualche città capitale, per darle divertimento e per far quello che fanno gli altri.
Pantalone. Questa xe la più forte rason de tutte. Per far quel che fa i altri, andar in malora per complimento, farse burlar per usanza. Questa xe la rovina dei omeni, questo xe el desordine delle fameggie. Per far quel che fa i altri, se se precipita, se se descredita. A cossa serve le zoggie che costa un tesoro, e che tien morto un capital che poderave fruttar? Per far quel che fa i altri. Perchè se va in malora? Perchè se fallisse? Per far quel che fa i altri. E per far quel che fa i altri, s’ha da far mal! Scusa debole, scusa fiacca, che no fa altro che colorir in ti omeni la mala inclinazion. Se volè far quel che fa i altri, no ghe aveu tanti esempi de zente che opera ben, de zente savia e prudente? Perchè no feu quel che fa questi, e voleu far quel che fa quei altri? Sior Florindo, ve parlo con amor, con libertà da pare, che ve posso esser. Tolè esempio dai boni, no ve curè2 dei cattivi. Perchè
