 |
Questa pagina è stata trascritta, formattata e riletta. | |
| L'AVVOCATO VENEZIANO | 485 |
del jus comun, e giustissima cossa credendo dar qualche risalto al nostro veneto foro, el qual xe respettà da tutto el resto del mondo, avendo avudo più volte la preferenza d’ogni altro foro d’Europa, per decider cause tra principi e tra sovrani.
Son qua, son alla causa e incontro de fronte la disputa dell’avversario. Sta bella disputa, fatta da mio compare Balanzoni con tutto el so comodo, senza scaldarse el sangue e senza sfadigar la memoria, la stimo infinitamente; ma, per dir la verità, quel che più stimo e considero in sta disputa, o sia allegazion dell’avversario, xe l’artifìcio col qual l’ha cerca de confonder la causa, de oscurar el ponto, acciò che no l’intenda nè el giudice, nè l’avvocato. Ma l’avvocato l’ha inteso, e el giudice l’intenderà. (il Dottore si va scuotendo)
Coss’è, compare? Menè la testa? M’impegno che in sta causa no ghe n’ave un fil de sutto1. A mi. Coss’ela sta gran causa? Qual elo sto gran ponto de rason2? Xelo un ponto novo? Un ponto che no sia mai stà deciso? El xe un ponto del qual a Venezia un prencipiante se vergogneria de parlarghene in Accademia3. La senta e la me giudica su sta verità, dipendente da un’unica carta che el mio reverito sior Balanzoni non ha avudo coraggio de lezer, e che mi a so tempo ghe lezerò. El sior Anselmo Aretusi, padre del mio cliente, dies’anni l’è sta maridà senz’aver prole, el chiamava4 desgrazia quel che tanti e tanti chiamarave fortuna, e el desiderava dei fioli per aver dei travaggi. L’ha trova un amigo che gh’aveva una desgrazia più granda della soa, perchè el gh’aveva tre fie5, che ghe dava da sospirar. El ghe n’ha domandà una per fia de anema6, e lu ghe l’ha dada volentierissimo, e el ghe l’averave dae tutte tre, se l’avesse podesto. Anselmo tol in casa sta piccola bambina, dell’età de tre anni, el s’innamora in quei vezzi innocenti
- ↑ Non avete un principio di ragione. [nota originale]
- ↑ Ponto de rason, articolo legale [nota originale]
- ↑ In Venezia si accostumano le Accademie, nelle quali la gioventù si esercita nell’arringare [nota originale]
- ↑ Così Bett. e Pap.; Pasquali e Zatta: e el chiama.
- ↑ Fie, figlie. [nota originale]
- ↑ Fia de anema, figlia per affetto, o sia adottiva. [nota originale]
