 |
Questa pagina è stata trascritta, formattata e riletta. | |
| 172 |
Florindo. Non gli credete
Pantalone. Zitto là. Amici, (agli uomini armati) sta notte bisogna far da sbirri. Bisogna menar sta zente con nu, no in preson, ma a casa. Ve agiuterò anca mi. E za che ghe xe la fia del Dottor, e che semo più vesini a casa soa che a casa mia, menemoli là. Fermi, no ve movè. (a Florindo e alle donne) Se i scampa, treghe, mazzeli. Anca vu, sior, anca vu avè da vegnir. (ad Ottavio)
Ottavio. Io? Come c’entro?
Pantalone. Se gh’intrerè, lo vederemo. Se no i vol vegnir, strassineli per forza in casa del sior Dottor. Ande là, che bel bello ve vegno drio. (agli uomini)
Ottavio. Son innocente, son innocente. (partono tutti con gli uomini armati)
SCENA XVII1.
Pantalone solo.
Oh che zente! Oh che fioi! Chi l’avesse mai dito che Florindo fusse cusì baron, fusse cussì desgrazià? Poveri pari de famegia, tante fadighe, tante struscie, tante attenzion per arlevar ben i fioi, e po no basta; e po i butta pezo più che mai! Mo cossa ghe vol più de quello che ho fatto mi, per aver allegreza de le so creature? Ah, sì, ghe vol una cossa, la più necessaria, la più essenzial de tutte le altre. Una bona mare; una mare che sappia cossa vol dir voler ben ai so fioi; che no se persuada che consista l’amar i fioi in tel sparagnarghe le botte; in sconder le so debolezze; in procurarghe i so comodi; ma che sappia che l’amor vero de mare consiste in correggerli, in castigarli. El pare no pol far tutto; no vede tutto. La mare xe quella che più darente, e con più facilità e frequenza, pol indagar i costumi e le procedure dei fioi; e ele palesandole e scondendole al pare, le pol far tutto el ben, e le pol far tutto el mal. Chi
- ↑ Manca nelle edd. Pasq., Zatta ecc
