 |
Questa pagina è stata trascritta, formattata e riletta. | |
| LA PUTTA ONORATA | 493 |
Menego. Che cade! Son galantomo. Tiò, vatte a tior tanti pomi coti. (gli dà due soldi)
Ragazzo. A prender i viglietti, siore maschere. Oe, me lasseu vegnir drento? Xe deboto quattr’ore. (al Portinaro che apre, ed entra)
Menego. Sana, capanaa.
Nane. Pro’ fazza.
Menego. A vu, compare. (a Nane)
Nane. Salute. (beve)
Menego. Vostra.
SCENA XIV.
Tita dalla porta del teatro, e detti.
Menego. Compare, vegnì a nu. (a Tita)
Tita. Compare, pania?
Nane. Degneu vegnir a nu? (a Tita)
Tita. Son qua.
Menego. Senteve, che tanto se paga. (gli danno da bere)
Tita. Bon da amigo, ma bon do volte. (bevendo)
Menego. A sti musi cussì i ghe lo dà.
Nane. Calcossa ve l’avè godesta in teatro.
Tita. Mare de diana! Che ho ridesto.
Menego. Gh’è zente?
Tita. A marteletob.
Menego. Piaseli?
Nane. Poverazzi! i se inzegna; ma ti sa cossa xe sto paese. Qua se fa acceto a tuti; lori se sfadiga, e la zente ghe dà coragio. (si sente di dentro in teatro batter le mani, e dir bravo, bravo)
Menego. Oe, senti che bocon de fracasso! (si torna a sentire l’applauso)
Tita. Via, che la vaga.
Menego. Che xe assae barcarioi drento?
Tita. Pi de cento.
