Pagina:Goldoni - Opere complete, Venezia 1908, II.djvu/438

428

ATTO PRIMO

Bettina. Che el vaga a comandar a le so massère¹.

Ottavio. Io non pretendo comandarvi; ma vi dico bene, che un cavaliere par mio merita più rispetto.

Bettina. Mi no so più de cussi, e se no ghe comoda, che el se la bata.

Ottavio. Mi mandate via?

Bettina. Ohi L’ho mandà che xe un pezzo.

Ottavio. E non pensate che io posso fare la vostra fortuna?

Bettina. Povera la mia fortuna! Sì ben, sti siorazzi co i ha speso diese ducati, i crede de aver fata la fortuna de una puta.

Ottavio. Voi non mi conoscete, e perciò parlate così.

Bettina. Ma, el diga, me vorlo fursi per mugier?

Ottavio. Io no, perchè ho moglie.

Bettina. El gh’ha mugier e el vien in casa d’una puta da ben e onorata? Chi credelo che sia? Qualche dona de quele del bon tempo? Semo a Venezia, sala. A Venezia ghe xe del bagolo^a per chi lo vol, ma se va sul liston in Piazza ²; se va dove ghe xe le zelosie e i cussini sul balcon, o veramente da quelle che sta su la porta; ma in te le case onorate a Venezia no se va a bater da le pule co sta facilitae. Vu altri foresti via de qua, co parlè de Venezia in materia de done, le metè tute a mazzo; ma, sangue de diana! no la xe cussì. Le pute de casa soa in sto paese le gh’ha giudizio e le vive con³ una regola, che fursi fursi no la se usa qualche altro liogo. Le pute veneziane le xe vistose e matazze⁴; ma in materia d’onor dirò co dise quelo:

     «Le pute veneziane xe un tesoro.
     Che no se acquista cussì facilmente.
     Perchè le xe onorate, come l’oro;
     E chi le vol far zoso, no fa gnente.
     Roma vanta per gloria una Lugrezia,
     Chi vol prove d’onor, vegna a Venezia».

1. Passatempo.

1. Massèra, serva.
2. Lista della piazza di S. Marco, a fianco delle Procuratie, dov’era il passeggio.
3. Sav. e Zatta: co.
4. Sav. e Zatta hanno solo: vistose.