 |
Questa pagina è stata trascritta, formattata e riletta. | |
| LA BANCAROTTA | 345 |
Truffaldino. I va mal per elo e pezo per mi, A sto vecchio matto de Pantalon ghe cresce i anni e ghe cresce i vizi, e in bottega ogni zorno cala la marcanzia. E mi povero diavolo me tocca a sfadigar assae, a magnar poco e pò anca de più son obligà a far l’onorata carica de mezan.
Brighella. Far el mezzan de un marcante non è niente de mal; m’imagino che ti vorà dir el sensal.
Truffaldino. Certo che far el sensal l’è una cossa onorata, ma bisogna veder de che sorte de marcanzia1.
Brighella. De che sorte de marcanzia se tratta?
Truffaldino. Senti in tuna2 recchia, che nissun senta. De marcanzia femminina.
Brighella. De scuffie? de nastri? de merli?
Truffaldino. Oibò. Marcanzia de lettere, de parole e de stomeghezzi amorosi.
Brighella. Bravo: ho capido; ti fa el mezzan de sta sorte de porcarie?
Truffaldino. Questa l’è la carica che i me fa far; e che sia la verità, ho da portar sta lettera a una forestiera che aloza in quella locanda. (accenna una casa)
Brighella. Per parte di chi?
Truffaldino. Per parte de sior3 Pantalon.
Brighella. Ancora quel vecchio el gh’ha voggia de ste frascherie?
Truffaldino. Ti no sa che la volpe perde el pelo, ma non la perde el vizio?
Brighella. Me maraveggio che un omo della to sorte fazza de ste figure. To zio t’ha mandà qua dalle valade de Bergamo per imparar a far el mercante, e ti ti impari sto bel mistier?
Truffaldino. Se no fazz quel che voi el vecchio, el me castiga e nol me dà da magnar. Caro paesan, me raccomando a ti, per carità troveme qualche negozio d’andar a star via de qua, che proprio a far ste cosse me sento i rossori verginali sul viso.
