 |
Questa pagina è stata trascritta, formattata e riletta. | |
| L'UOMO DI MONDO | 203 |
Lucindo. Non potrete farlo. S’egli vi aiuta per farvi cambiare stato, sarà sempre padrone di casa vostra.
Smeraldina. Giusto! figureve! Lassè pur che el fazza e che el spenda, troverò ben mi la maniera de liberarme.
Lucindo. Non vorrei trovarmi io in un impegno...
Smeraldina. I batte. Lassè che vaga a veder. (va, poi torna)
Lucindo. Per altro non so lodare in Smeraldina l’ingratitudine, che mostra verso di quel galantuomo...
Smeraldina. Presto, scondeve, che xe qua Momolo.
Lucindo. Eccomi in un altro imbarazzo.
Smeraldina. Scondeve e no abbiè paura.
Lucindo. Il cielo me la mandi buona, (si ritira in un’altra stanza)
Smeraldina. Se arrivo a ballar, so ben che voggio far anca mi la mia maledetta figura.
SCENA XII.
Momolo e detti.
Momolo. Son qua, fia mia.
Smeraldina. Caro Momolo, ve fè molto aspettar. Savè pur, che no gh’ho altra compagnia che la vostra, e senza de vu no posso star un momento.
Momolo. S’halo più visto sior Lucindo?
Smeraldina. Oh nol ghe vien più in casa mia, no ghe xe pericolo.
Momolo. Se el ghe vien, se lo so, se lo trovo, lo taggio in quarti co fa un polastro.
Smeraldina. Fideve de mi, ve digo. Savè che ve voggio ben; me maraveggio gnanca, che disè ste cosse.
Momolo. No parlemo altro. Sappiè, fia mia, che ho trovà el maestro. El vegnirà ogni zorno a insegnarve, e el se impegna in tre o quattro mesi metterve in stato de ballar in teatro, e no miga solamente a figurar, ma el se impegna de farve far anca un padedù.
