 |
Questa pagina è stata trascritta, formattata e riletta. | |
| 188 | ATTO PRIMO |
Momolo. Voleu che lo trovemo sto ballarin, che v’insegna a ballar?
Smeraldina. Per mi son qua; vardè pur vu, se disè da seno.
Momolo. L’è dita. Vago a trovarlo, e vel meno qua.
Smeraldina. Poveretta mi! come faroggio a imparar?
Momolo. El maestro ve insegnerà i passi, e mi ve insegnerò el pantomimo.
Smeraldina. Coss’ela sta roba? Mi no me n’intendo.
Momolo. Vederè, vederè. Smeraldina, parecchieve in gamba. Buttè via el saon e la cenere. Fideve de mi, e no v’indubitè. Siora ballarina, la reverisso. (parte)
SCENA XVII.
Smeraldina sola.
La sarave mo ben da rider, che i me vedesse anca mi co i cerchi e co la mantellina. Allora poderave sposar sior Lucindo. Ma cossa dirave sior Momolo? Oe, no halo dito che fa cussì delle altre? ben, farò l’istesso anca mi. (parte)
Fine dell’Atto Primo.
