Se lesi coi pè insù e ala strapè,
No capiri alla fè.
Che colpa gha la lengua? in sta manera
Laf darà tutt ol tort a ’ la massera.
Oh! i dis, sta nosta lengua l'è tropp bassa:
Gna questa as ve la passa,
Chè per spiegas bé e spert, sciasseg e stagn,.
A tate lengue, ch’è montade in scagn,
Al Fiorenti, al Fransés,
La nosta lagh dà neuf per andà ai dés.
Al só, che ’l bergamasch al tép d'adess
Al par che ’l vaghe zó per i scoasse:
Ma laghé fò serte parole grasse,
Che noi fa bel sentì gne a rost, gne a less;
Parlél noma in ď u stil,
Che ’l sia Cristià e sivil
E vedirì che 'l gha ol so dolz, e brusch
Da stà all impàr a' col lenguass Etrusch;
E purchè no rughé per ol porsil,
A’ lù l’è spiritòus, belle zentil,
E ala barba al Bocassio al té ol basil.
Ma via metem che ’l bergamasch sia tal,
Che ’l sia prope tajat zó col corlass:
Con quei che contra Dio fà da bravass
Al ghe veul bé una lengua de strapass.
Credim nol saraf mal
A sta genia insolenta e maladeta
