 |
Questa pagina è stata trascritta, formattata e riletta. | |
| — 27 — |
QUADER VIII.
El consult e la ricetta del Mago-Màgol.
El Màgol, finalment,
in la sala del Re l’è rivàa dent;
in d’ona sala granda, in dove el Re,
coi oeucc tobis e cont la faccia smorta,
col fà come de dì: «Che rompatorta!»
dal sò trono el guardava
tutta la Cort radunada ai sò pè,
che, per el gran rispett, no la fiadava!
Profittand che nessun ghe fà attenzion,
el Scianin el se scond in d’on canton.
El Màgol.
Coss’el gà, Soa Maestáa?...
El Re.
Ghoo ancamò el mè solit màa!
L’apetitt, le on mes giamò,
mi sóo minga cossa el sia!
Hoo tentáa de cascià giò
ona quai golosaria;...
ma in la bocca la par stoppa,
