 |
Questa pagina è stata trascritta, formattata e riletta. | |
| — 22 — |
QUADER VI.
El Sogn del Scianin.
Ona nott el poer Scianin
el dormiva finalment
in del bus d’on cantinin
cont el venter pien de vent;
ma el san tucc che i noster sogn
van seconda ai nost bisogn,
quasichè la Provvidenza,
vorend minga fann stà senza,
la ne daga indormentáa
quell che voeurom dessedáa!
Donch, se quei in sanquintin
ghan, in sogn, pien el borsin;
se ghan caus i avvocatt
e cunt giust i ragionatt;
se i dottor ghan di maláa;
se i tosann hin maridáa;
se i tradii de la morosa,
indorment, ghe l’han in sposa;
se i fioeu ghan i belée,
e i pigott a centenée:
