 |
Questa pagina è stata trascritta, formattata e riletta. | |
— 104 —
Padrona — Gnanca.
Snìchele — E el professor D.?
Padrona (seccata) — Gnanca, gnanca.
Snìchele (dopo una breve pausa) — La scusa, voressela favorirme un gotesin de acqua?
Padrona (piglia un bicchier d’acqua da un vassoio e lo spinge sul banco, con mal garbo, verso lo Snìchele) — El toga.
Snìchele — Grazie. No la ghe metaria na giozzetta de mistrà, par acidente?
Padrona — No ghi n’è.
Snìchele — Grazie istesso. (Beve) La scusa, li gala gnanca visti quei siori?
Padrona — I xe passà adesso.
Snìchele — Gaveveli insieme un foresto?
Padrona — Come gerelo?
Snìchele — Saverlo, siora Berta, come ch’el gera! El xe un omo grande ma mi no lo go mai visto.
Padrona — Questo gera picolo.
Snìchele — No fa gnente. E da che parte andaveli?
Padrona — Drio a le so gambe. Cossa vorlo, benedeto, che mi varda ste robe? I sarà andà in ciesa.
