 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 53 |
Tuts applaudeschan, laudan il giuven trubadur,
Che conta dall’humana e da divin’amur,
Cuntents per quella sera tuts van en bien ruaus.
E l’auter di serimnan puspei per dar applaus
1900A las risdadas novas, che han aunc de vegnir
Per nobla signeria el tscheiver divertir.
Il Victor siu uffeci capescha exellent;
El trai la sort e legia fagend enconischent:
Mariarta, la cambrera ha ussa de risdar;
1905Historias de Dombliasca e praulas de Surmir
Maneivel de tschunconta sa ella raschunar.
Ual sco i fuss de teisser las teilas ed urgir,
Schmanond cun la manutta la tschefla neu e vi,
Ne sco de plagar launa filada sil cani.
Ils dreis lufts.
1910Giu en la Dombliasca, sur ina vischnaunca,
En ina casetta giudem ina plaunca
Stev’ina familia d’affons numerus;
Il bab e la mumma, ils pigns, tuts munglus,
Cun strusch vestgadira e pauc de ruer:
1915E megliera sort era buca de ver.
Sut casa la mumma mirava in di
Squidussa sils orts dil vischin visavi.
Cheu vegn in signur cun egliada perderta,
El porta gasacca bein fatga, clar - verda.
1920Quel di a la dunna: „Jeu portel a vus
Daners detgavunda per tuts vos munglus,
Persuenter mo quei che vus veis de purtar,
Pér suenter siat onns vus stueis a mi dar.
L’ureidia dunnetta laschond surplidar,
1925Ha quei empermess cun pauc patertgar:
Ell’era ge stad’en curtin e teneva
El tschos empau pumma, giun plaun che schascheva.
Agl um ella ha raquintau il schabetg,
E quel po aunc rir sur il fatg e handlètg.
1930Pli tard ei ha dau en la casa gleut nova,
