 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 49 |
1750Igl eremit, che viva schiglioc in toc sur Glion
En grotta solegliva, oz ses’el spel caplon —
Ed auda quels raschienis, savens misterius,
E tier sesez el tratga: „Tgei fatgs miraculus!
Denton in reginavel pli ault ei aunc d’anflar,
1755In paradis terrester aunc pli sublim e car;
Ed olmas generusas, cul spert de cavalier
S’unfreschan cun premura per arrivar leutier.“
La Gada hospitala envid’igl eremit,
De dir en compagnia in plaid de bien salit:
1760„Vus essas tier sogn Giacun, lunsch en Galizia stai,
Tras la Provenza biala cul fest pelegrinai,
Haveis udiu cantadas, dal Titurel, dal Gral,
Saveis resdar la detga dal calisch immortal?“
Igl eremit rispunda, ils gasts cun reverir:
1765„Bugen jeu obedeschel, dal calisch vi jeu dir.“
Il sogn cristagl.
Giusep d’Arimathia possedeva
In admirabel bi cristagl mulau;
La cuppa cara transparenta steva
Sin in bi pei ord il cristagl tagliau,
1770En quei vaschi il Segner tier la tscheina,
Ha dau il sacrament d’amur compleina.
La cuppa benedida ei lu stada
Portada d’aunghels tier il cor aviert
Dil Segner culla costa transforada
1775Ed ha il saung, ch’ei spons per nus, retschiert.
Quei sogn vaschi ha forzas graziusas
E fa las olmas star victoriusas.
Sche in malsaun fidond sil calisch mira,
Quell’jamna Dieus pertgir’el dalla mort.
1780E tgi ch’en ses combats tier quel suspira,
Sa mai curdar en perniziusa sort.
Mintg’onn il Venderdis sogn renovada
Vegn sia forza tras la sontga Blada:
Columba clara giu da tschiel sesbassa
1785E tschenta ina hostia el vaschi,
| Romanische Forschungen, XXXVIII. | 4 |
