 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 45 |
Ed il stgirat, satells sco el ei,
Seschluetta suten bein maneivel;
1610Mo l’uolp pli ves po serabitschar
Entras tier il past deletgeivel.
Il fin stgirat clom’ora all’uolp:
„Mo spetga, jeu sufflel surora
Il tschuf, ch’il suffel ha fiers el curtè,
1615Pazienzia, ti cara consora.“
La groma el maglia suro dabot,
E cloma lu l’uolp s’entardada;
Atras la rusna sefultscha en fin
La veglia aunc fomentada.
1620Il latg sgarmau enguordamein
La beiba en ferma tibada;
Mo l’engurdientscha fa emblidar,
Ch’ella vegn cheutras scufflada.
Sut igl esch ora va il stgirat,
1625Mo l’uolp vegnida pli lada,
Mett’adumbatten siu tgau el vau:
Sto star en tschaler pigliada.
„Cun siat inschins pos bein vegnir o?“
Clom’en il stgirat ed endrida!
1630El va per siu fatg. Quei di dal pur
Ei l’uolp vegnida sturnida.
„Engraziel per la praula, da cor engraziel fetg,
Dagl agen tratsch suera il raquintau schabetg.“
Plidond aschia tonscha il Risch siu maun al Jon.
1635Filax osut la meisa tgulond vegn neunavon,
Sco sch’el capess l’historia dell’uolp ed il stgirat
E fastisond la mala, less far in spert sbargat.
Mo de Razen il giuncher domonda il signun:
„Co vus la primavera cul muvel dil patrun
1640A quolm ed en Ranasca meis en, jeu less tadlar,
Risdei da nies bi muvel da vies cunfar, luvrar.“
Cheutras il Jon Boccatscha sesenta honoraus
E resda sco in giuven dal matg tut incantaus.
