 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 41 |
E legramein excloma il giuven Lanzelet:
„Per conclusiun ins metta vitier cheu il verset:
Praula, praula, giacamaula,
1470Sche ti vul buca crer,
Sche va giun streglia,
E lai tigliar giu in’ureglia;
Mett’ella sin in pal
E lai tochen nadal,
1475Sche vegnas ti ord marveglias.“
Giud sia supia biala il grazius signur
Riend va tier il Tieni e di: „Miu pescadur!
Co gl’um cugliun’il gianter nus vein bugen udiu.
Saveis bein è descriver, co vus haveis empriu
1480Entras malezia fina, ils pescs de cuglianar
Cun rischas e pes-cheras, ch’els ston pigliai restar?
Il pescadur Antieni raquenta levamein
Da caussas de pescada, d’inschins ch’el drov’el Rein.
Inschigns de pescadurs.
En tiar’alpina vegnan bugen ils viandonts,
1485Ch’en lags e Reins senodan e fan viadis gronds;
Nus observein en l’aua litgivas e scaruns,
Che vegnan silla catscha, fan bials termagls e spruns.
Il pescadur pertratga: „Co pos jeu vus pigliar,
Vus spertas creatiras, gustusas de barsar?“—
1490Ils pescs ein mals e fuian l’egliada dil carstgaun,
Mo nies inschign satieua, gudogna il surmaun.
Cun lontschas, reits e rischas ils pescs ein de pigliar,
Cun tut lur dar la cua, els pon ca tuts mitschar.
Jeu laudel la clamada, lavur de pescadur,
1495Ch’ei tras il Simon Pieder alzada tier honur.
Da Constanz baul arrivan litgivas neuasi,
Bein grondas, che terlischan el Rein schi grond e bi.
Savens vegn scursanida lur quorsa fetg anetg,
Vulend las viandontas vargar si tras in stretg.
1500Dal pescadur fermada la rischa vegn el Rein:
Quei temprament de pesca nus lein descriver bein.
