 |
Questa pagina è stata trascritta e formattata, ma deve essere riletta. | |
| 28 | Florin Camathias |
985Da leu d’envi ha quei casti
Puspei signur e signura:
Ils gats ein ord cuschina cedi
Als dretgs survients en quell’ura.
Il Lanzelet la harfa fa maiestus tunar
990Ils auditurs admiran, igl instrument schi car,
Che David gia sunava, ses himnis compagnond,
Las liungas fermas cordas culs mauns tschaffond, piclond.
Igl instrument plascheivel sil pei giun plaun tschentaus,
Cugl ur de lenn custeivel terlischa sularaus. —
995La vusch de Floribella en sala ha tunau,
Sil tron il Risch, la Gielgia profundamein legrau.
La Gada supplichescha, sur Gieri il caplon,
Ded allegrar il segner, che teidla sin il tron,
Cun ina biala praula. E prompts el dat il tgau —
1000Raquenta, tgei cun l’Eva in di gliei schabigiau.
Ils affons d’Adam ed Eva.
Adam culla dunna Eva
Ina tegia fatg haveva
Lunsch giusut il paradis
E luvrava onns e dis
1005Cun la stenta della bratscha
Cun savur giu per la fatscha
Per nutrir ses biars affons,
Metter els sut tetg e ponns.
Eva sco massera steva
1010En la tegia e regeva
Il menaschi cun premura,
Deplorava la malura
Dil puccau ed encureva
De levgiar la sort schi greva.
1015In di, uras ded ensolver —
Adam era ius a volver
Las panuglias sin ils praus,
Vesa Eva suls canvaus,
Ch’enzatgi vegn sin visetta
1020Oz en sia paupra hetta.
