 |
Questa pagina è stata trascritta e formattata, ma deve essere riletta. | |
| Historias dil munt sogn Gieri | 25 |
Sogn Zievi e sogn Gieri benedeschien vies ani —
Sin glendisdis semptgadas ein nozzas el casti.
885Cul Zievi, Floribella, nies car affon, stai bein,
In vivat a vies Vali da cor nus tuts clamein!“
Ils screts en la capiala uss scrola il Victor;
Il num de Floribella el trai lu siedor.
La giuvna admirada, domonda il siu frar,
890Ch’el prendi sia harfa, in cant per compignar.
Ed ils fargliuns ensemen legreschan cun canzun
La gronda compagnia en biala reuniun.
La matta cun la rosa 1.
Treis feglias haveva in muliner,
895Aunc buca maridadas;
La giuvna flureva sco in roser,
Las autras havevan muncadas.
Il bab di in di: „Jeu vom a marcau,
Jeu portel zatgei a mintgina;
900Mo domandei, tgei ei ad engrau
Jeu less cuntentar scadina.“
Las duas veglias han giavischau
La teila per ina mondura;
La giuvna dal bab ha garigiau
In matg de frestga verdura.
905Il bab ei ius el marcau en stizun
Ed ha cumprau las monduras;
Essend unviern, negina caschun
El ha ded anflar verduras.
Mo sil retuorn el ves’in casti,
910Ch’ha forsa las flurs aschi scartas;
El va dabot dallas scalas si,
Las portas pertut ein aviartas.
- ↑ Il cuntegn dellas suondontas raquintaziuns ei prius per part ord il secund tom della Chrestomathia Retoromontscha de Dr. C. Decurtins. Mira leu las praulas Na. 45, 84, 53, 110, 90, 96, 52, 15, 11, 16, 100, 12, 83, 44, 13, 114, 116.
