 |
Questa pagina è ancora da trascrivere o è incompleta. | |
che la veglia democrazia svizzera, che ha battiu las battaglias de Dornach e Tgavaleina, existi aunc e perquei ha Napoleon, che uneva e smasava pievels cun in strech de sia plema, declarau ins stoppi schar intactas las democrazias svizzeras. Sch’ ei dat oz ina Svizzera, sco nus carezein en ella 5 nossa cara patria, sch’ engraziein nus quei era al saun, ch’ ils babuns han spondiu per la veglia libertat. Cun quei encuraschont patratg seunescha ina seriusa doctrina e nus vulein buc ir in ord l’ auter senza udir ella. Pretga gia igl exempel dils babuns, ils quals il poet ha en nies hodiern drama festiv schau levar ord lur fossas, che cheu, nua che la patria clomi, nagin astgi cun tumaletga domonda seperschuader dal succes. Prompts tier tutta unfrenda era il patriotismus de nos babuns pli ferms, che la mort ed aschia sto era il nies esser. Mintgin de nus domondi perquei oz en quei solemn moment cheu sin tiara sontga, che siu patriotismus semegli quel dils babuns, ch’ era el 15segi prompts de dar vi tut quei ch’ el ha, gie sesez per la patria. Sche la risposta ei gia ussa in frestg gie, ne l’ empermischun de cun tutta forza encurir quei patriotismus, lura celebrein nus ina fiasta vengonza dils babuns. Lura havein nus giu oz salid ed enflau in scazi pli custeivels, ch’ igl aur culau. Lura havein nus era mess in pégn, ch’ ella semantegni el tschentaner 20futur, la libertat, ch’ ils babuns han gudignau e salvau cun lur saun. Quei detti Dieus! In di romontsch en l’ Aula a Cuera. — ils 16 de November 1914 — Cun plischer hai jeu suondau l’ invitaziun dil Sgr. directur dell’ instrucziun publica dil cantun grischun, de far in referat sur il studi dil 25romontsch sin la scola cantonala. Bein rara ei l’ occasiun, de drizar la viarva alla intelligenza romontscha digl avegnir, la caschun de dar in collegi sur nies romontsch. Ed jeu muncassel alla sinceradat, sche jeu zupentassel vi mia cuntentientscha, che il romontsch ha gudignau sin la scola cantonala la plazza, che auda ad el. Ei pareva che nauschs dis d’ in 30atun criu seigien ruts en per il romontsch, ch’ il lungatg duess seccar vi, el qual Chiampel ha cantau ils Psalms, Gion Travers sia Canzun dell’ uiara de Muosch, Huonder il Pur suveran e Muoth las Mesiras. Mo ina nova primavera semuossa e frestg schit lai catschar ils emprems brumbels, il segir pégn de novas rehas speronzas. L’ introducziun dil 35romontsch sin la scola cantonala ei la pli biala flur permavauna, ch’ il risvegl dil romontsch ha catschau tochen uss. Era tier nus, sco tier ils pievels gronds e pigns, germans, neolatins e slavs, ei il studi della reha
(Nach Gasetta Romontscha, Nr. 52 ff., 1914.)
