 |
Questa pagina è ancora da trascrivere o è incompleta. | |
exequi de quels. Ins sa era buca sereferir sin la organisaziun della scola dils 21 de Juni 1853 ed igl uorden pella scola rurala, pertgei nus havein mussau si, che quels han mai survegniu forza de lescha. In sa finalmein era buca sereferir sin gieneralmein renconaschi principis dil dretg public, 5 pertgei ch’ ei auda tier igl ABC dil dretg public, che las regenzas han ded exequir, buc aber de relaschar leschas. Quei che vegn cheu commondau egl uorden de scola e perscret allas vischnaunchas, quei ei buca l’ execuziun de leschas existentas, quei ei perscripziuns las qualas, essend gieneralmein ligiontas, formeschan ina integronta part dil suveran dretg legislativ e che ston vegnir relaschadas dallas vischnauncas ord lur autonomia ne en fuorma d’ ina lescha tras il cussegl gron ed il pievel. Perquei declarel jeu cheu solemnamein, che nus stoveien considerar quest plan de scola della regenza sco buca constituzionals e per nossas vischnauncas e lur scolasts buca ligionts. 15Jeu sto surschar agl aultludeivel cussegl pign per il cass, ch’ el tegn ina reglementaziun de nies uorden de scola el sura indicau senn e spirt per indicaus favoreivels al gieneral beinstar e conform allas ideas de nies pievel, de procurar in terren legal e constituzional. Ussa stat el buca sin quei terren ed jeu tegnel per mia obligaziun de constatar, che nossas vischnauncas 20 han il dretg de snegar l’ execuziun dil plan de scola. Plaid tenius à Muster ils 14 de Matg 1899. (Nach Gasetta Romontscha, Nr. 20, 1899.) Stimada rimnada! Nunspitgadamein numerus esses Vus vegni ord tut las valladas della 25Surselva: ord la biala Foppa, leu nua ch’ il giuven Rein salida igl emprem marcau, che schai loschamein sin fundament roman, dallas verdas costas dil piz Silgina e de quellas vischnauncas, che tegnan leu si ault guardia sper la veglia via, che meina dals Romontschs en tiara tudestga. Vus tuts ha la fideivla memoria vid ils babuns, che han battiu ed ein morts 30sin quest plaz, manau cheu ensemen. Remarcabel! nus celebrein enstagl d’ ina gloriusa victoria, alla quala ils pievels dedicheschan schiglioc lur dis seculars, in’ ujarra, che ha finiu cun ina nauscha terrada. Avon nos egls sesaulzan las cotschnontas flommas de vitgs ed uclauns, la tresta ruina de nies sanctuari nazional, la fantauna 35della cultura. E tonaton ha il pievel della Surselva in bien dretg de cun giesta luschezia celebrar ils combatts de 1799. La gronda revoluziun, che formescha in crap de milia sper la liunga via, che la humanitat ei ida, era rutt’ ora tier nos vegls vischins e portava
