 |
Questa pagina è ancora da trascrivere o è incompleta. | |
Modest Nay
Unviern.
Hu! co’ l suffel va tras la vallada,
Saultan sgolatschan las scrottas de neiv,
Lom s’ emplunan sin spund’ e prada
E cuvieran send’ e seif.
5 ’Gl unviernatsch ei en la tiara
Tut surura arrivaus,
E la val pallida, clara
Dorm’ en dultsch ruaus.
Il solegl schenaus enzuglia
10Sia brausla terlischur.
Sut il glatsch ’gl ual sgarguglia
Tras la crappa cun ramur.
Mo sils rovens da samada
Tgei cunfar, tgei dultsch termagl! —
15Ha entschiet la scursalada
Sur la tenda de cristagl.
La selvadia mattitschaglia
Sigl unviern nuotzun vilai
Fan tgaubrochels tut empaglia
20Cun lur tgulis malmussai.
Lein clamar: Unviern eviva!
El vul nuot’ a nus schi mal,
Mo il cap’ ei ch’ el arriva
Cul pigniel la notg — Nadal.
La malaura.
(Nach dem Autograph des Verfassers.)
Ferm trai il favugn, malaura sepeina
Fugond ellas neblas sul spitg dil Pez Aul,
Uldaunas viladas saltond sper lur fueina
Oz truschan e smeinan gl’ orcan sur gl’ uaul.
5 Da bleigias e gondas, tras valls dormulentas
Secatschan e sfuolan las auas lur vau,
Sbalunan a vall en cascadas termentas
Sgurdinan la selva, devastan il prau.
