 |
Questa pagina è ancora da trascrivere o è incompleta. | |
Il glin.
(Nach Annalas, S. 212, 1909.)
La flur dil glin
D’ in blau sublim,
A vus dunauns
E tuts carstgauns
5 In simbol fideivel
D’ in cor stateivel.
Sin mintga caglietta ei tut en flur,
In blau schi bi sco ’l tschiel azur,
E mintga plontetta satilla e fina
10Se stenda, se storscha, se mova carina.
Draccadas, stempradas
Ein biaras vargadas;
La flur ei curdada
En borla midada.
15Er il sublim el mund human
Semid’ adina, buc iuvan.
En roda davos rucca
La poppa glin filuca,
Il maun va, tonscha glin stilond,
20La roda va lu quel filond.
Mo fila il glin,
El ornesch’ il bambin.
Sgara, fila mia roda,
Va dabot sco nossa sort;
25Dat quei bein lenziel de moda
Ni vestgiu pil di de mort?
Mo teissa tissunza
Futura fitonza,
Ina bialla urgida
30Ei gleiti tessida.
Il pass scomiond,
La nav sgulond,
Mo teissa il glin,
El ornescha scadin.
