 |
Questa pagina è ancora da trascrivere o è incompleta. | |
Miu neglèr.
Il bi neglèr sin cruna verda
Ei miu pli grond divertiment; Las neglas alvas, cotschnas, brinas
Salidan mei cun ardiment
5 En lur colur schi noblas finas.
Cun neglas alvas e verdinas
Jeu fetschel prusamein in matg
E tschentel quel sin frestga fossa
De mi’ amitga bein bufatg
10Per schar flurir memoria nossa!
Cun neglas brinas denter cotschnas
E surgentadas borlas glin,
Jeu decoreschel las capialas
Ad ils fumegls ded alp mintgin
15E quei levent’ ad els faviala.
E cun las neglas las pli bialas
Jeu fetsch’ in matg a miu muronz
Cun tutta bregia e legria;
El ei da quel complein vengonz,
20El mai emblida vi la sia!
La battaglia de Carnèr.
La biala Lumnezza havevan artau
Dils comts de Bellmont, uss ils nobels de Sax.
Dal niev regiment ins saveva pauc grau;
Cunzun ils de Freissen schendravan rizraz.
5 Cheu rimnan bein spert lur guerriers ils signurs
Per rumper cun forz’ il capreci als purs,
E metter ferein, als subdits rebellonts.
En val de Mesauc giu dals mirs dil casti,
Terribel recent uss rebatt’ il segnal.
10L’ armada en pei aunc semett’ avon di,
Ascenda ils quolms ed arriva giun Val.
Trapassa mervegl la futura damaun
Las stretgas dil Glogn e se campa el Plaun
Per far uss ad Uors aunc in paus rinforzont.
15Sereins fuv’ il tschiel e scaldonts il solegl.
Sil funs dapertut lavuravan ils purs;
Segavan canvadas oz senz’ il paregl,
Sminavan nuot mal digl intent dils signurs
Sur ura resuna de stuornas il zenn;
20Ord Freissen uss quora il pievel garent:
„Agid, o agid, la schuldada ei
cheu.“
L’ armada seposta spel vitg a traviers.
En furia se raspa puragl’ en rudials;
Las lontschas stermeinan superbis guerriers.
