 |
Questa pagina è ancora da trascrivere o è incompleta. | |
Poesias 269 Malenconia autunila.
Stad ei uss vargada — ei sparida
E gl’ atun ei arrivaus.
Il solegl ei lucs e strusch luenta
Las purginas pli sils praus.
5 Sufels freids e crius la feglia sdrapan
Giud la roma en rudials;
Neblas grischas, spessas mondureschan
Valls e quolms cun stgirs mantials.
La natir’ ei tresta — ei svegnida,
10Pers ha ella gl’ ornament.
La davosa flur ei vi pirida; —
O tgei fa quei endament?
Trest maletg d’ atun — ti admoneschas
Serius ge il carstgaun,
15Co sil mund tut bi schi spert svanescha:
„Oz en flur — damaun sin baun!“
Sper in cagliom zuppada
Has domicil tschercau:
Retratg’ ed isolada Persula stas sil prau.
5 Ti paras consternida
E tegns il tgau a bass;
Da plievia, da calira,
Ti fas ne fei ne cass!
Ti sprezas compagnia
10Ed er’ divertiments;
Ti gaudas mai legria, —
Quals ein tes sentiments?
„Jeu sun la flur ornada
Cun la custeivladat,
15Che vegn schi bein numnada:
„Dil cor modestiadat.“
REST ANTONI SOLÈR.
Poesias.
(Nach dem Autograph des Dichters.)
Viola.
