 |
Questa pagina è ancora da trascrivere o è incompleta. | |
Igl êr.
(Nach Annalas, S. 55, 1899.)
O êr, ti mar de spias
Che eri mai sas star,
Tias undas ein tut pias,
Burascla mai sas far!
5 Sur tei ei navigaus
Il retg della natira, Perquei eis schi cargaus
A tgiembel cun ventira!
Tiu sem ei sesbassaus
10Ed el terratsch pirenta:
Perquei vegn el alzaus,
In rehun el daventa.
Tiu pievel ha cartiu
Giu sesa el desiert:
15Bien Diu ha benediu
E dau ad el confiert.
Pign paun vegn si migliaus,
Mo tonaton el crescha,
El vegn multiplicaus,
20La spigia madirescha.
E suenter la miracla
Ei aunc canasters vonza,
E suenter alla farcla
Va Ruth — pia medonza.
25Sco ella si enquera
La spigia cun la spriula,
Aschia si enquera
Dil paun scadina miula!
La flur e la faulsch.
(Nach Annalas, S. 190, 1901.)
Strusch naschida aunc jeu sun
E deiel già murir?
En mes pli giuvens onns jeu stun
E deiel gia s - flurir!
5 Mia mumma ei la permavera,
Miu bab ei il sulegl;
Sa ei vignir gia stgira sera
Cu glei aunc schi marvegl?
O faulsch, neve, aunc buc taluna!
10Stai eri en talina!
Aunc buc camegia, buca tuna,
Inpau silmeins targlina!
Mo ah! „ei batta“ e quei vul dir:
Ujara ei declarada!
15Ei batta! ah! e quei vul dir:
Speronza ei curdada!
Curdar pia damaun stuein,
Curdar da mort anetga!
Nus sedefender buc savein,
20Mo in prenn la vendetga!
Igl ei aviul, nies alleau,
El porta gittas armas!
El prenn sco in confederau
Vendetg’ per nossas larmas!
