Pagina:Decurtins - Rätoromanische chrestomathie, XII.djvu/293

Vus giuvens onns, schi bials e cars, co hai jeu vus bugien!
50Co veis vus mei schi ditg legrau, sun staus schi da lev senn.
Nuotzun hai jeu mess d’ ina vart, sun leghers tonaton,
Perquei ch’ jeu sai en fossa pren, ventira cu jeu mon.
E quel che raffa, spargn’ e tegn, vegn senza ton satraus.
Il mund ei bein tut sanistraus!
55Jeu less ch’ jeu fuss mo inaga — il Segner en Parvis,
Miraclas fiess jeu schon bugen — silmeins mo in pèr dis.
Schei fuss in pauper che schelass — affons che vessen fom,
Il rech stuess la fom sentir — il freid sil zuffen strom.
Lu fuss ei gleiti caul e bien e megler en tuts graus.
Il mund fuss nuota sanistraus!
Il zen d’ Ave Maria.
Audas Ti, co’ ls zens resunan,
Schi migeivel e schi clar?
Nus capin las vuschs che tunan,
Che nus cloman a ruassar.
5 Ge, quei tun aschi capeivel,
Metta fin al quors dil di.
Giu da tschiel, schi dulsch migeivel
Glischs resplendan clar e bi.
O cars zens tucchei la sera
10Nus vos tuns beneventein,
Pera sei la notg stgir nera,
Nus carstgauns seconsolein;
Sogn ruaus e pasch la porta
A tons paupers murdergiai,
15Ch’ ein tudi sco sut la torta
Bastunai e tormentai.
Miu zenet la vet’ entira
Tras mi’ olm’ il sun sonor
Resunar lai e ventira
20Porta quel al pauper cor.
Cun la mort, schi freida, méta
Sevischina er’ a mi,
Silla fin de mia veta
Cloma mei sin in bien di.
Mobilisaziun.
La patria cun in clom serius
Siu pievel advertescha
E mellis umens valerus
Van sils confins en prescha.
5 In giuven ferm e curaschus
A dar comiau se renda
Tiel vitg alpin, sil trutg carpus
Tier l’ Onna de Caspenda.
Ed ord il vitget omisdus
10Ils amurai serendan,
La giuvna pren ils mauns dil spus,
Els égls las larmas pendan.
Mo ella di cun franca vusch:
„La libertat defenda
15E sin seseza mintga crusch
Pren l’ Onna de Caspenda.“