 |
Questa pagina è ancora da trascrivere o è incompleta. | |
Ed jeu sin sia gaulta
50Hai ina buna dau,
Da gust’ e da curascha
Schizun chei ha barschau.
Perquei a mia biala
Fideivels vi restar,
55Tier ella cun cor schuber
E prus vi jeu turnar.
El battagliun novonta
Ei quei princip restaus:
Fideivels alla patria,
60Fideivels en tuts graus.“
Las rosas de mia patria.
A casa mia, schi lunsch naven
Flureschan rosas, ch’ jeu hai bugen.
Alvas e cotschnas creschan els orts,
Nigliu secatan schi biallas sorts.
5 Jeu hai ad ellas bugen adina
Salvau memoria els jasters ports.
Vus rosas a casa, vus aunc veser,
Mo inagada less jeu puder.
Sur tutas ina stat leu en flur
10Schi fin’ e bialla e plein odur.
Schi schubr’ ed alva, grad sco la neif
Resplenda quella davos la seif,
Maletg ded ina ch’ jeu carezavel
La pli carina de nossa pleif.
15Vus rosas a casa, vus aunc veser
Mo inagada less jeu puder.
Tut ei piriu, la matta el tratsch,
Jeu girel semper in ver pupratsch.
Persuls sulets mond’ jeu pils marcaus,
20Da tuts ils mes cars gia daditg privaus.
E vegn la mort è tier mei surura,
Lu vegn miu mal d’ in pertratg calmaus:
Vus rosas a casa, vus aunc veser
Mo inagada less jeu puder.
