 |
Questa pagina è ancora da trascrivere o è incompleta. | |
25Il Rein tschallata stagn, cotschnius
Da caulda sanganada,
Il saun hostil ha oz lavau
Ruina giud la spada —
Sper il casti de Rehanau,
30Cheu han las roschas se cargau.
Ils Sursilvans cun halumbards
Spurlentan or las launcas,
Ei sfraccan ils guerriers Franzos
E sdreinan els en brauncas.
35Sil prau de Domat vegn schuau
Cul saun digl inimitg mazzau.
Vonzei se raspa cun vigur
L’ armada spatatschada
E sin ils purs sederscha lu
40La nauscha cavalcada.
Surforza gronda sfracc’ igl um,
Bravura sto spindrar siu num.
Sin vasta tend’ il „Crest de morts“
Se saulza sper la selva,
45En pasch ruaussan spels Franzos
Ils umens de Surselva, —
Che sco liuns han leu battiu
E per la patria se unfriu.
Gl’ uaul.
(Nach Annalas, S. 201, 1902.)
Leu sin il crest paradescha gl’ uaul
E quarcla la spund’ e collina,
Ferma dustonza pils vitgs si egl aul
Encunter la bov’ e lavina.
5 Mettan uricis dal vent leventai
Uals en fracass e canera,
Meinan ils pasters lu tut enguschai
El bostg, el segir montanera.
Brauncan nevadas ils loghens selvatgs,
10Stenschentan la erva vanzada,
Vivan cavreuls e camutschs seretratgs
Egl uaul en fraterna mesada.
Leu en la selva sai jeu d’ in pastgett,
Umbriva gli dat ina plonta;
15Roma rasada formesch’ in tetgett,
Merlotscha cheu sesa e conta.
Clara fontauna ramura tudi
E fa paterlond sia runda,
Ervas, faletga — sin cozzas vali
20Sas ti sesamiar detg avunda.
Truscla romusa cun legher tschupi
Sil di de Nadal fa parada,
Clom’ a memoria il temps aschi bi
De mia affonza vergada.
Romanische Forschungen XXXVIII. 16
