 |
Questa pagina è ancora da trascrivere o è incompleta. | |
Nus vein Sontg’ Onna cugl ischi,
Havein il dretg per il manti! (Canera.)
[p. 90] CAVRER. Quei ei buc uorden sin cumin.
’Gl emprem hai jeu de domandar,
95Sch’ ei sei vegniu clamau cumin,
Pér lu saveis canera far.
Eis ei vegniu clamau cumin
A Breil, Danis ed a Dardin?
mattatsch. Va boin! Nus essan tuts vegni.
100Quels auters massen cul manti
Senz’ emparar nies vischinadi.
Nus voin de far in liung viadi
Da Broil entochen si Mustér;
Perquoi loin nus zitgoi haver!
105Nus voin aunc buca la pleronza,
Havoin sin in mistral speronza. (Canera.)
Lois buca dar mistral quest onn,
Moin nus a casa cul scarvon!
CAVRER. Va boin! Cars umens de cumin,
110Jeu vus salidel finadin.
Vus essas cheu tenor isonza
Per tscharner o la suprastonza.
Uss mein nus tier il principal:
Tgi leis vus tscharner per mistral?
115TUTS (cun gronda canera, in suenter lauter.) Nus vein
il dretg sin il mistral.
CAVRER. Haveis vus umens pigl uffeci,
Perderts e rehs e senza vezi?
Che vus saveies, in mistral
120Ei buc in pleder, buc in pal!
Sto esser el latin versaus,
Schiglioc vegn el dal prer sprezaus.
El sto als buns vischins pagar
Barsau e vin per il votar.
125El sto truar las strias blauas,
[p. 91] Che tussegheschan begls ed auas;
El sto truar las strias brinas
Che buglian bovas e brentinas;
El sto truar las strias veglias,
