 |
Questa pagina è ancora da trascrivere o è incompleta. | |
Con tes confins ein demaneivels,
80Bien catschadur imperial!
Sesend von casa, alvs e fleivels,
Ti miras giu sin vitg e val.
Tiu car Tirol, plai el a ti?
Damaun poss ver el buca pli.
85Co ei la stiva plein clarezia!
Niessegner sez ha visitau
El sacrament della carezia
Il giuven moribund schuldau.
El ei cuntents — e vus bargis?
90Pli che Tirol val’ il Parvis!
Dal mir terlischan bi las armas
Dil catschadur imperial.
El mira sin ses cars en larmas:
„Pertgei bargis? — Quei fa mi mal —
95Maria e miu aunghel car
Ein cheu — cun quels stoi viagiar!“
Cun quels eis el bein ius a casa
Il betsch de mumma aunc sil frunt. —
O paisch, da sia crusch serasa
100Sur il Tirol e sur il mund!
Mo franc: il saung el cor rentass,
Sche jeu quei herox emblidass.
Il criec ded aur.
Dedicau als purs romontschs.
(Nach Igl Ischi, S. 165, 1911.)
Sin Crestas schai greppus e teis
Igl er dil pur Flurin.
Da miez Avrel leu aran treis,
Bab, mumma cun lur pign.
5 Tschaghèra roccla tras la val,
Dus bos zacudan il stadal,
Davon giu las totonas pendan,
E grevamein las travs sefendan.
Il buob sedrova d’ empalar,
10Ils dus tgaumogns van plaun
E lessen entraviers passar,
La tretscha tagl’ il maun,
Las gaultas brischan al mattatsch,
El bratta mintgaton il bratsch —
15Il criec fa giombers e sviescha,
Ch’ il bab marmugna e smuldescha.
