 |
Questa pagina è ancora da trascrivere o è incompleta. | |
Jeu mez sesmerveglel,
Con vegls che jeu sun;
35Hai giu per ventira
Il megler patrun.
Lez meina las steilas,
Ils petschens utschals;
Quel muossa la via
40Tras vitgs e tras vals.
Cun Diu vi concluder
Miu plaid giubilar,
Il maun buntadeivel
Ad el vi bitschar.
45E ti? Sche ti vegnas
Dal Segner clamaus,
Stai bein! — Ed il Segner
Sei semper ludaus!
Igl onn quitordisch.
(Nach Calender, S. 37, 1915.)
Con stgir’ ei oz la notg! Ils pegns ramuran,
En tut il vitg negliu cazzolas pli.
Entuorn baselgia van ils morts ed uran,
Stizzond lur brausla glisch ein els svani.
5 Lu vegn ei si dal Rein, sco sch’ ei tunass,
Ed arva la fenestra cun fracass.
Spert tegn jeu mauns a Diu e less urar,
E stoi tremblar.
In um vegn tier il mir, la notg vegn clara,
10Quel smeina in tizun cul pugn alzau;
Jeu aud’ il ner e bletsch manti de bara
A sgolatschond sco in furius stemprau.
Igl um seferma, mira stgir sin mei,
Giud il manti daghira saung sil pei.
15Jeu clom’ en gretta: „Has ti dau colur
Cun saung igl
ur?“
El scrola siu manti sur tut la tiara,
Clar cotschna vegn la notg sco in burniu:
„Sche sas ti buc? Jeu sun igl onn d’ uiara,
20Ord mars de saung ha quei manti bubiu;
E quei tizun, quel hai jeu envidau
El fiug dil bi vitget, dil losch marcau;
Sche quei manti fuss buca bein bognaus,
Fuss el berschaus.“
25„Vus cheu steis bein sin quolms ed en valladas:
Buc ina plaga sarva per la paisch,
Buc ina seif ei rutta tras brigadas,
Buc ina brenzla dada en truaisch.
