 |
Questa pagina è ancora da trascrivere o è incompleta. | |
Sche va Calender e salida!
(Nach Calender, S. 28, 1905.)
Sche va Calender e salida
Avon tuts auters Quel leusi!
El dat a nus ils onns, las jamnas,
La tgeua uotg, il bi clar di.
5 Sche va Calender e salida
Il bab, la mumma, il patrun:
Els dein buc esser pegnas freidas,
Buc orglas métas senza sun!
Sche va Calender e festgina,
10Tuts bravs affons stoss salidar;
Mo pren ê tortas zun durablas,
Ils nauschs stoss ti lu balsamar!
Sche va Calender e salida
Bravs giuvens ch’ ein semnai da spess;
15Els deien esser nossa cruna
E buca zens ch’ ein ruts e fess!
Sche va Calender e salida
Las bunas gelgias de nies vitg!
Ti sas bein qualas e ti drovas
20Tschercar’ las buca memia ditg.
Sche va Calender e salida
Las buccas nauschas cul bastun,
Ranvers salida cun urticlas
E culla geisla il paltrun!
25Sche va Calender e salida
Malsauns e paupers bandunai
E di: Beai ein quels che bragian,
Els deian esser consolai.
Sche va Calender e salida
30Dacor tgi che salida tei!
E port’ a tuts in onn legreivel
E tuorn’ in auter onn puspei!
Gratulescha a sesez.
(Nach Calender, S. 28, 1909.)
Tschunconta annadas,
Quei fuss de cantar!
Vegni, giuvenasters,
Nus lein giubilar!
5 Cun mia Romontscha
Sun jeu maridaus,
Tras neivs e bialaura
Cun ella viagiaus.
Quei bien signur Placi,
10Ch’ ha nus copulau,
Quel ei sin senteri,
Ha buca spetgau.
E tontas perdetgas
Cun flur e tschupi,
15Selegran e saultan
Daditg buca pli.
Ah, quellas midadas!
Lu mava precis
In carr tras la tiara
20Mo mintga otg dis.
Uss rocclan las postas
Traso tras il vitg.
Ch’ ei sgolien tras l’ aria
Quei va buca ditg!
25Solet ina caussa
Vul mai semidar:
Il temps sillas rodas
Mai eri vul star.
Jer ha quella matta
30Portau il tschupi,
Oz eis ella tatta,
Damaun buca pli!
