 |
Questa pagina è ancora da trascrivere o è incompleta. | |
En l’ ujara.
(Suenter igl japanes.)
Biala matta sin fenestra steva,
L’ olma contristada zund;
Lunsch naven sgolar l’ egliada scheva,
Suspirond ord péz profund.
5 Sils confins serimna la schuldada
Per combatter gl’ inimitg;
Da siu car, ch’ ei cun l’ armada,
Senza novas ei daditg.
Ina rosa denteren sesprova
10De surcuser mintgaton;
Ella fil sin fil de trer sedrova
Ch’ ei spert mundi vinavon.
Schi savens, ch’ in fegl la spusa
Vul surcuser cun adatg,
15Ella mintga gad’ in cor surcusa
Cor sper cor tschentond bufatg.
Gleiti senza fraud in det plaghescha
Cun la guila, dend in pétg,
Ed il seung ch’ ordlunder nescha
20Fa sterment ad ella fetg.
En furtinas ella setormenta
Cun patratgs da tuttas sorts,
Melli gadas la damonda tschenta:
„Eis el vivs ni eis el morts“!
Il casti de Darvella.
(Aus Il Pelegrin, Nr. 12, 1911.)
In mir perdetga deva
Din vegl e grond casti,
Che sur Darvella steva
En tschentaners stuli.
5 Sche cuolms e precipezis
Tremblavan dal cametg,
Il mir en tuts urezis
Aunc steva ferm sidretg.
El steva sc’ ina petga
10Ord crappa grischa fatgs
Sco ina veglia detga
En siemis e pertratgs:
En siemis de battaglias,
De lutgas e saung spons,
15De truschas e travaglias
Suffridas onns ed onns.
Vesev’ en redunonza
Rimnai nos bravs babuns,
Udeva dall’ avdonza
20Las tibas e canzuns,
Da notg las tschalareras
Cun stermentus fracass
Sgulond tras las tschagheras,
Sco, sch’ ina bova mass.
25Giu bass il Rein rucclava
Las undas sco pli bauld;
Sil tgiembel sesalzava
Il mir aunc jer ad ault;
La petg’ ei oz stulida
30Naven dil tuttafatg:
La tiara ch’ ei stremblida
Ha lunsch la crappa tratg.
Il temps va sco cun roda
E derscha tut sutsu;
35En emblidonza croda
Tut quei ch’ ei stau zacu.
Pli tard ins forsa scriva
Sur d’ in casti sfundrau —
Mo tgi ch’ allura viva,
40Sa dir, nu’ quei ei stau?
