Pagina:Decurtins - Rätoromanische chrestomathie, XII.djvu/207

Oz in
barlott raguda
10Vid
tetg e
fundament,
E vid las preits zacuda,
Ch’ ei fa zun grond sterment.
La matta dalla tema
Strusch astga pli trer flad;
15El pèz che trembla, schèma,
Il cor prest eri stat.
Ord casa tumentada
Marvegl va la damaun,
E vegn sin esch bitschada
20Da suffel primavaun.
Fagugn ord tiaras jastras
Ha tutta notg buffau,
Che preits e che finiastras
Han tutta notg tremblau.
Il rosèr.
In pign rosèr stupent flureva
Cun rosas tochen sum ornaus;
Da suffels caulds d’ Avrel vigneva
Da di, da notg, trasô bitschaus.
5 Carschius en tiaras soleglivas
Sut in azur serein e clar
Flureva bauld sin cauldas rivas
Giudem la Spagna sper la mar.
Ord siu sulom cheu vegn cavada
10L’ enfiarla senza remischun;
En las montognas vegn plantada
Sin in uclaun dil freid Grischun.
Ed in Avrel puspei entscheiva,
Ed ella vul puspei florir,
15E suffels vegnan ed ei neiva,
Ed ella sto flurend pirir.
O car rosèr, tgei patertgavas
Ti pauper, pauper che ti eis;
Pli bauld en Spagna sur las savas
20La primavera vegn perpeis.
Las hirondellas.
L’ emprema neiv ei oz curdada,
Sur ura, ditg e bein,
E plaun e plaun ei setschentada
Da sum entochen Rein.
5 L’ uolp sezuppa spert en tauna,
Ils muvels van sut tetg,
Ils tschutts cuviera caulda launa,
La lieur’ anfl’ in schurmetg.
En l’ aria sgolan hirondellas
10Girond ad in girar,
E secusseglian denter ellas,
Tgei ch’ ellas deigien far.
Romanische Forschungen, XXXVIII.
Las grondas fuvan cheu vegnidas
Per passentar la stad;
15Las pintgas, péra cheu naschidas,
Han oz gl’ emprem combat.
Las grondas vevan tontas gadas
Cun ellas discurriu,
Ch’ ei detti sper la mar contradas,
20Che neiv mai hagien viu.
En quort serimnan en murighels
E sgolan en carauns,
Per enzaco mitschar dals prighels
Che fugan sin tuts mauns.