Pagina:Decurtins - Rätoromanische chrestomathie, XII.djvu/202

La foss’ ei spert cavada, — els han en in fudétg
50La tocca dil cadaver cun crapp’ e tratsch cuvrétg.
Els aran ed arpegian aunc gl’ êr toch’ alla fin:
Quel mai ha la talina cargau cun ton salin.
Navent da quest’ uriala stuleschan ils trabants.
Si el casti uss calan slamuzs e pasts e cants.
55Il pievel ditg carteva, ch’ il giavel hagi priu
Da notg tiran e suita en igl uffiern leu giu.
Il mal dil cavrèr.
(Nach Calender, S. 62, 1904.
Leu si sut la pézza, sepiars e tut trest,
Stat oz il cavrèr, pusignaus sin siu fest.
El fetga siu égl giu sil vitg en la vall:
Tgi sa tgei l’ enquéra, tgei fa ad el mal?
5 Il tgaun dat la cua per nuot von ses peis,
Las cauras a pastg van, starschadas sils teis.
Schiglioc ei udevan bia gibels e schuls —
Oz par’ il pistur d’ esser méts e parsuls.
Strieunas carinas flureschan giun plaun;
10El sdrappa zacontas, pren ellas sin maun.
Mo larmas che roclan giu sin il bi matg:
A tgi dei’ l purtar el quest’ sera bufatg?
La matta, ch’ el veva serrau en siu cor,
Che veva retschiert dad el fluras trasor,
15Stulid’ ei ord casa, setratg’ el marcau,
E gnanc ad el detg in plaidet de comiau.
Perquei ussa mira sil vitg engiuviars.
Il giuven cavrèr de quei trest e sepiars.
Dal mal el sefiera sil tschenghel fluriu
20E ditg ha el leu aunc plirau e bargiu.
Angelus Domini.
(Nach Magnificat II., S. 48, 1900.)
Ei la stgiradetgna rutta
Sin las pezzas, en las valls
Clom’ il zen della capluta
Claramein a tuts mortals:
5 Ave, Ave, Ave, Maria!
Ave, Ave Maria!
Cun curascha tut semetta
Bein mervegl vid la lavur,
Toch’ il zen allu repetta
10Da miezdi plein da fervur:
Ave, Ave, Ave, Maria!
Ave, Ave Maria!