 |
Questa pagina è ancora da trascrivere o è incompleta. | |
Eis schi fleivels sin las combas,
E fabriccas traso bombas,
Eis schi trits e schi fallombers
E tuttina fas ti giombers:
5 Fas cumédias, fas satiras,
Schi murdentas, plein aviras,
Tia plema malurdada
Tut che sbét’ en la vallada.
Ti vilentas sin tuts mauns
10Tes undreivels concarstgauns,
Dattas semper mo adatg
Sin lur mendas, lur lungatg:
Ed eis tez in toc lapun,
Valanuot, sabiut, tapun —
15Gie ti tez figiesses bien
De mirar sin tiu rumien!
Tras la disa smaledetta
De tinglar giu per la detta
Senza tema e manieras
20Ad ustiers e paterlieras,
A puranghels e signurs,
Piardas tuttas lur favurs.
Inimitgs uss has ti bein
Dapertut, numnadamein.
25El cumin de la Cadi
Fas ti mai carriera pli,
Tribel eis ti leu vignius
Cun tiu scriver malvesius,
Ti vignesses sin cumin
30Malspelaus da finadin,
Leu vignesses ti barbar
Ni saltèr ni actuar!
Tapalori, ti vul esser
Schi perderts sco in professer?
35Ti manegias, ti pretendas
Mo ch’ ils auters hagien mendas?
Prest il pievel tei encarpa,
Tei en melli tocca scarpa —
Sas ti, ch’ ins tractesch’ aschia
40In profet a casa sia?
Uarda, tgei mes égls tschorventa,
Leu en tschiel, tgei terlischur!
Gnanc l’ aurora, la naschenta,
20Brisch’ ils pezs cun tal ardur!
Ord la selva uss retuna
Legher clom: Nadal, Nadal!
Mellis ga „Nadal“ resuna
Spunda, tgiembel, plaun e vall.
25En las sferas celestialas
Aunghels contan, fan il gir;
Melodias aschi bialas
Mai sin tiara poss udir.
Al Scaffider contan: „Gloria“,
30„Gloria, gloria“, sin tuts mauns;
„Pasch victoria, pasch, victoria,
Giu sin tiara als carstgauns.“
Notg divina, notg celesta,
Tiu salit de salvament
35Tiar’ e mar perfin dedesta
Ord la sien en quest mument.
Cadeinad’ ei la natira
En profunda devoziun,
Sez la crappa freida, dira,
40Audas ti far oraziun.
Sontga notg, la notg che spenda
Tontas grazias, tont confiert!
Cura Christus sez descenda
Giu dal tschiel en quest desiert!
Ina vusch ord il pievel.
(Nach Annalas, S. 234, 1898.)
