 |
Questa pagina è ancora da trascrivere o è incompleta. | |
Carstgauns semettan a ruaus
Tut emblidond lur grevs quitaus,
Mo tras il stgir rebatt’ il zen,
Figiend a tuts aunc endamen:
25Ave Maria!
Il carstgaun.
(Nach Annalas. S. 224, 1898.)
Il mund pompus, il firmament stelliu,
In di stuleschan sin commond de Diu,
Cun tut lur véta, mervigliusadat,
Splendur e gloria, pomp’ e majestat.
Mo cruna della scaffiziun, carstgaun,
Emblida mai che ti survivas aunc
Solegl e glina, steilas, quolms e valls:
Ti has in’ olma, ti eis immortals!
La scumiada digl on.
(Nach Annalas, S. 224, 1898.)
Vivas, gibels, cants retunan,
10Caulds auguris, ferms applaus;
Fratgas, musicas ramplunan:
Il niev on ei arrivaus!
Nadal.
(Nach Annalas, S. 228, 1898.)
Aults e bassas, tut domina
Dultsch silenzi, sogn ruaus;
Steilas claras, biala glina,
Rin sil mund en neiv curclaus.
5 Tschiel, pertgei oz a mi paras
Pli sereins ch’ ils auters dis?
Biala glina, steilas claras,
Oz pertgei pli dultsch sclaris?
Co legria frunt e fatscha
10Digl ual oz ha surtratg!
Co gl’ ual sut neiv e glatscha
Oz murmura schi bufatg!
Videneu ils pégns ballontschan,
Lev e lom e misterius;
15Gie pilver, da bass els tschontschan
In cun l’ auter tut discus.
Steilas sbrinzlan, en nevada
Splendurescha tut il mund,
Sin ils aults, en la vallada,
Dapertut ruaus profund.
5 Teidla, zens uss tut en ina
Sin las tuors en moviment,
Cun canèra, cun furtina
Tras las valls a rebattend.
